گاڤ

ل گۆره‌ى خشته‌یێن وه‌زاره‌تا دارایى یا ئیراقێ، داهاتێ ئیراقێ یێ دو هه‌یڤان پتره‌ ژ 20 تریلیۆن دیناران و داهاتێ په‌ترۆلێ رێژه‌یا 91% ژ داهاتێ ئیراقێ پێكدئینیت.

ل گۆره‌ى خشته‌یێن وه‌زاره‌تا دارایى یا ئیراقێ ل هه‌یڤا نیسانێ راگه‌هاندین، تا نوكه‌ په‌ترۆل ژێده‌رێ سه‌ره‌كى یێ بودجه‌یا ئیراقێ یه‌ و 91% ژ بودجه‌یێ پێكدئینیت.

هه‌ر ل گۆره‌ى وان خشته‌یان، داهاتێ ئیراقێ د هه‌ردو هه‌یڤێن كانوینا دوێ و شوباتێ یێن ئه‌ڤ ساله‌ 2024 دا 20 تریلیۆن و 465 ملیار و 480 ملیۆن و 278 هزار و 344 دینار بوون.

داهاتێ په‌ترۆلێ رێژه‌یا 91% ژ سه‌رجه‌مێ داهاتێ ئیراقێ د وان دو هه‌یڤان دا پێكدئینیت كو 18 تریلیۆن و 678 ملیار و 903 ملیۆن و 892 هزار دینار بوون.

ل ده‌مه‌كێ داهاتێ نه‌په‌ترۆلى یێ ئیراقێ د وان دو هه‌یڤان دا تریلیۆنه‌ك و 786 ملیار و 576 ملیۆن و 385 هزار دینار بوون.