ئیراق بۆ هناردهكرنا پهترۆلێ بۆ ئهمریكا ل رێزا دوێ هات
گاڤ
ئیراقێ هناردهكرنا پهترۆلێ بۆ ئهمریكا د حهفتییا بۆرى دا زێدهكریه و ل رێزا دوێ د رێزبهندییا وهلاتێن هناردهكارێن پهترۆلێ دا بۆ ئهمریكا هات.
كارگێرییا زانیاریێن وزهیێ یا ئهمریكى ئهڤرۆ ئێكشهمبییێ راگههاند "د حهفتییا بۆرى دا، ئیراقێ رۆژانه وهك تێكرا 308 هزار بهرمیلێن پهترۆلێ هناردهى ئهمریكا كرینه و ب ڤێ چهندێ ئیراق دوهم مهزنترین هناردهكرنا پهترۆلێ یه بۆ ئهمریكا وێ حهفتییێ دا".
ديار ژى كریه "هناردهكرنا پهترۆلا ئیراقێ بۆ ئهمریكا د حهفتییا بۆرى دا ب بڕێ 166 هزار بهرمیلان رۆژانه زێدهبوویه ب ههڤبهركرن ل گهل حهفتییا بهرى وێ كو تێدا تێكرایێ رۆژانه یێ هناردهكرنێ 142 هزار بهرمیل بوون".
ههر ل گۆرهى خشتهیێن كارگێریێ "كهنهدا ل حهفتییا بۆرى ل رێزا ئێكێ بۆ هناردهكرنا پهترۆلێ بۆ ئهمریكا ب تێكرایێ رۆژانه یێ 3 ملیۆن و 458 هزار بهرمیلان هات، ل دویڤ دا ئیراق ب تێكرایێ رۆژانه یێ 308 هزار بهرمیلان ل رێزا دوێ، كولۆمبیا ب تێكرایێ رۆژانه یێ 246 هزار بهرمیلان ل رێزا سیێ و سعوودیه ب تێكرایێ رۆژانه یێ 229 هزار بهرمیلان ل رێزا چارێ هاتن".
ئاماژه ب وێ چهندێ ژى كریه "ئهمریكا د حهفتییا بۆرى دا رۆژانه وهك تێكرا 4 ملیۆن و 832 هزار بهرمیلێن پهترۆلێ ژ 8 وهلاتێن سهرهكى هاوردهكرینه ب كێمبوونا ب بڕێ 265 هزار بهرمیلان رۆژانه ب ههڤبهركرن ل گهل حهفتییا بهرى وێ كو تێدا تێكرایێ رۆژانه یێ هاوردهكرنێ 5 ملیۆن و 97 هزار بهرمیل بوون".