گاڤ - تایبەت

زاخۆ وەک ئێکەم باژێر ل هەرێمێ دێ پارچە زەڤیان ب سەر فەرمانبەران دا دابەشکەت و سه‌رۆكێ باژێڕڤانییا زاخۆ بۆ گاڤ دبێژیت: ب زووترین ده‌م دێ به‌لاڤكرنا پارچه‌ زه‌ڤییان دەستپێکەت.

یونس محه‌مه‌د، سه‌رۆكێ باژێڕڤانییا زاخۆ تایبەت بۆ گاڤ گۆت: كێشه‌یا وان گوندان چاره‌بوویه‌ یێن نه‌رازى بووین ئه‌ردێ وان ببیته‌ پارچه‌ زه‌ڤى و ب سه‌ر فه‌رمانبه‌ران بهێنه‌ به‌لاڤكرن.

هه‌روه‌سا گۆت: ئه‌م به‌رهه‌ڤین پارچه‌زه‌ڤیان ب زووترین ده‌م ب سه‌ر فه‌رمانبه‌ران دا به‌لاڤ كه‌ین و نوكه‌ 5 هزار پارچه‌ زه‌ڤى د ئاماده‌نه‌ بۆ به‌لاڤكرنێ و ئه‌و پارچه‌ زه‌ڤى دێ ل هه‌ر دو كه‌رتێن به‌رزیرێ و كه‌رنێ بن.

سه‌رۆكێ باژێڕڤانیێ فه‌رمانبه‌ر پشتراست كرن كو زاخۆ دێ بیته‌ ئێكه‌م جهـ پارچه‌زه‌ڤییان ب سه‌ر فه‌رمانبه‌ران دا به‌لاڤ بكه‌ت و بۆ ڤی مه‌ره‌مێ ژى لژنه‌ دێ هێنه‌ پێكئینان.

ل دۆر شێوازێ به‌لاڤكرنێ یونس محه‌مه‌دى دازانین، پارچه‌ زه‌ڤى ب شێوه‌یێ قورعه‌ و ئاماده‌بوونا راگه‌هاندنێ و ل هۆلا باژێڕڤانییا زاخۆ دێ هێنه‌ به‌لاڤكرن و هه‌ر فه‌رمانبه‌ره‌كێ بڤێت ژى دشێت ئاماده‌ ببیت.