چاڤى بڕیار دا بمینیت وهك راهێنهرێ بهرشلۆنا
گاڤ
چاڤى هێرناندێز راهێنهرێ یانهیا بهرشلۆنا پشتى بزاڤێن مهزن یێن سهرۆكێ یانهیێ بڕیار دا بمینیت وهك راهێنهرێ بهرشلۆنا و ل سهر مهرجێن یانهیا كهتهلۆنى ژى رازیبوو.
چاڤى بهرى سێ ههیڤان پشتى رهخنهیێن ئاراستهى وى هاتینه كرن پشتى ژدهستدانا ناسناڤێ جاما سۆپهر یا ئسپانى و دهركهفتنا یانهیێ ژ جاما شاهێ ئسپانیا راگههاند بوو كو ل گهل ب دویماهیك هاتنا ڤى وهرزى و ل هاڤینا ئهڤ ساله 2024 ئهو دێ دهستژكاركێشیت ههرچهنده ههڤبهستا وى ل گهل یانهیێ ههتا هاڤینا سالا 2025 بهردهوامه.
خوان لاپۆرتا سهرۆكێ یانهیا بهرشلۆنا ئهڤ شهڤه چارشهمبییێ كۆمبوونهك ل گهل چاڤى هێرناندێز ژ بۆ گهنگهشهكرنا بڕیارا وى یا دویماهییێ چ ب مانێ دناڤ رێزێن بهرشلۆنا دا یان ژى هێلانا یانهیێ گرێدا.
فابریزیۆ رۆمانۆ شارهزایێ ڤهگوهاستنێن یاریكهران ل سهر تۆڕا ئێكس راگههاند "چاڤى بۆچوونا خۆ گوهارت و بڕیار دا بمینیت وهك راهێنهرێ بهرشلۆنا".
دیار ژى كریه "پشتى كۆمبوونا ئهڤ شهڤه و پێداگیرییا خوان لاپۆرتا سهرۆكێ بهرشلۆنا ل سهر مانا وى، چاڤى هێرناندێز ل سهر مهرجێن بهرشلۆنا رازى بوو و دێ د ئهركێ خۆ دا وهك راهێنهرێ یانهیێ بهردهوام بیت".
ههروهسا رۆژنامهیا موندۆ دێپۆرتیڤۆ ژ هندهك ژێدهرێن دناڤ یانهیا بهرشلۆنا دا ڤهگوهاستییه "چاڤى دێ مینیت وهك راهێنهرێ بهرشلۆنا ههتا ب دویماهیك هاتنا گرێبهستا وى ل هاڤینا سالا 2024".