ههڤپهیمانییا برێڤهبرنا دهولهتێ شهمبییێ دێ كۆمبیت
گاڤ
ههڤپهیمانییا برێڤهبرنا دهولهتێ ل رۆژا شهمبییا بهێت دێ كۆمبیت و بهحسكرنا كێشهیێن دناڤبهرا ههولێر و بهغدا دا ئێك ژ تهوهرایه و سهرۆكێ ههرێما كوردستانێ ژى دێ پشكدارییێ د كۆمبوونێ دا كهت.
شاخهوان عهبدوللا جێگرێ سهرۆكێ پهرلهمانێ ئیراقێ ئهڤرۆ چارشهمبییێ د پرێس كۆنفرانسهكێ دا ل ههولێرێ راگههاند "ههڤپهیمانییا برێڤهبرنا دهولهتێ ل رۆژا شهمبییا بهێت دێ كۆمبیت و تێدا دێ كێشهیێن دناڤبهرا ههولێر و بهغدا دا هێنه بهحسكرن".
د دهمهكێ دى دا ژ ئهڤرۆ، دلشاد شههاب پهیڤدارێ سهرۆكاتییا ههرێما كوردستانێ راگههاند بوو "نێچیرڤان بارزانى سهرۆكێ ههرێما كوردستانێ دێ پشكداریێ د كۆمبوونا ههڤپهیمانییا برێڤهبرنا دهولهتێ دا كهت".
دویماهیك كۆمبوونا ههڤپهیمانییا برێڤهبرنا دهولهتێ ل رۆژا 6ى ڤێ ههیڤێ ب پشكدارییا سهرۆك نێچیرڤان بارزانى و لایهنێن ههڤپهیمانییێ كو پێكهێنهرێن حكومهتا ئیراقێ نه برێڤهچووبوو، شاخهوان عهبدوللا ل دۆر ڤێ كۆمبوونێ گۆت "د كۆمبوونا بۆرى دا، سهرۆكێ ههرێما كوردستانێ ئاخفتنێن خۆ گۆتن و نوینهرێ راستهقینه یێ خهلكێ كوردستانێ بوو".