فرۆشتنا موبایلێن ئایفۆن ب رێژهیا 10% كێمبوویه
گاڤ
فرۆشتنا موبایلێن ئایفۆن ل سهرانسهرى جیهانێ د چارێكا ئێكێ یا ئهڤ ساله 2024 دا ب رێژهیا 10% كێمبوویه.
كێمبوونا فرۆشتنا ئایفۆنان ب رێژهیا 10%، مهزنترین كێمبوونه ههر ژ دهمێ دهستپێكا بهلاڤبوونا پهژیكا كۆرۆنایێ تا نوكه.
كۆمپانییا ئهپل ئهنجامێن دارایى یێن چارێكا ئێكێ یا ئهڤ ساله بهلاڤكرن و تێدا دیاربوویه "د چارێكا ئێكێ یا ئهڤ ساله دا، ب بهایێ 45.96 ملیار دۆلاران موبایلێن ئایفۆن هاتینه فرۆشتن".
راگههاندیه ژى "فرۆشتنا موبایلێن ئایفۆن ل سهر ئاستهكێ سالانه و ب ههڤبهركرن ل گهل چارێكا ئێكێ یا سالا 2023 ب رێژهیا 10% كێمبوویه كو د چارێكا ئێكێ یا وێ سالێ دا ب بهایێ 51.33 ملیار دۆلاران موبایلێن ئایفۆن هاتبوونه فرۆشتن".
ئێك ژ ئهگهرێن كێمبوونا فرۆشتنا ئایفۆنان د ئهڤ ساله دا، ژ بهر كێمبوونا فرۆشتنا وان ل چینێ یه كو ب رێژهیا 8% ل وى وهلاتى كێمبوویه.
سهرهراى كێمبوونا فرۆشتنا ئایفۆنان، لێ داهاتێ ئهپل د چارێكا ئێكێ یا ئهڤ ساله دا پتره ژ 90 ملیار دۆلاران.