بایدن سیسی ب سەرۆکێ مەکسیکێ بناڤ دکەت
گاڤ
شاشیێن سەرۆکێ ئەمریکا ل هەمبەر رۆژنامەڤانان د بەردەوامن و خەلک ژی گۆمانان ژ شیانێن وی یێن برێڤەبرنا دەولەتێ هەنە.
شڤێدی درەنگ جۆ بایدن بۆ کۆمەکا رۆژنامەڤانان دئاخفت و د ناڤا ئاخفتنێن خۆ دا کو بەحسێ غەزە دکر گۆت: ل دەستپێکێ عەبدولفەتاح سیسی، سەرۆکێ مەکسیکێ نەدڤیا دەرگەهێ رەفەح یێ گەهاندنا هاریکاریان ڤەکەت، لێ ئەز ل گەل ئاخفتم و ل سەر ڤەکرنا وی دەرگەهێ سنۆری رازی بوو.
بەری چەند رۆژان ژی ل شوینا ناڤێ ئەنگێلا مێرکل، شیرەتکارا بەرێ یا ئەلمانیا بینیت، ناڤێ هێلمۆت کۆل، شیرەتکارا پێشتر یا ئەلمانیا ئینا کو بەری حەفت سالان وەغەر کریە.
هەروەسا بەری چەند رۆژان ژی ل دەمێ بەحسکرنا ئیمانوێل ماکرۆن، سەرۆکێ فرەنسا بایدنێ ناڤێ فرانسۆ میتران ئینا کو ل سالا 1996 وەغەر کریە.
ڤان شاشیێن بایدنی گۆمانێن مەزن پەیدا کرینە و خەلک وەسا دبینن کو شیانێن ویلایەتەکا دی یا سەرۆکاتیا ئەمریکا نەماینە، لێ دیمۆکرات هێشتا ل سەر بەربژارکرنا وی د رژدن و بایدن ژی وەسا دبینیت کو بیردانکا وی یا باشە.