بهایێن پهترۆلێ بلند بوون
گاڤ
بهایێن پهترۆلێ د بازارێن جیهانێ دا ئهڤرۆ ئهینیێ بلندبوون و بهایێ بهرمیلهكێ برێنت گههشته نێزیكى 87 دۆلاران.
ژ بهر نیگهرانیێن ل دۆر كێمبوونا پهترۆلێ د بازاران دا ههڤدهم ل گهل گرژیێن جیۆسیاسى ل ئهورۆپا یا رۆژههلات و رۆژههلاتا ناڤین، بهایێن پهترۆلێ بلند بوون.
ئاژانسان بهلاڤكرینه؛ بهایێن پهترۆلا برێنت ب رێژهیا 1.49% بلند بوون و بهایێ بهرمیلهكێ گههشته 86.92 دۆلاران.
ههروهسا بهایێن پهترۆلا رۆژئاڤایێ تێكساس یا ناڤنجى یا ئهمریكى WTI ژى ب نێزیكى 1.73% بلند بوون و بهایێ بهرمیلهكێ گههشته 83.06 دۆلاران.
بهایێ پهترۆلا برێنت یا نێزیكه بۆ ههیڤا سیێ ل دویڤ ئێك قازانجان و ب رێژهیا 1.86% تۆمار بكهت، ههڤدهم بهایێ خاڤا رۆژئاڤایێ تێكساس ژى بهرهڤ تۆماركرنا قازانجان بۆ ههیڤا سیێ ل دویڤ ئێك ب رێژهیا 2.24% ڤه دچیت.