بهایێ لیرهیێ توركى نزمبوونهكا نوى تۆماركر
گاڤ
بهایێ لیرهیێ توركى بهرانبهر دراڤێن دى نزمبوونهكا نوى تۆماركر و بهایێ ههر دۆلارهكێ گههشته 32 لیرهیان و 38 قرۆشان.
بهایێ لیرهیێ توركى ئهڤرۆ ئهینیێ نزمبوونهكا دیرۆكى یا نوى تۆماركر و بهایێ ههر دۆلارهكێ گههشته 32 لیرهیان و 38 قرۆشان ههڤدهم ل گهل نزیكبوونا ههلبژارتنێن باژێڕڤانییان ل توركیا.
بهایێ لیرهیێ توركى د چهند رۆژێن بۆرى دا پیچهك بلند ببوو ڤه، پشتى بهرى هینگێ بهایێ دۆلارهكێ گههشتیه پتر ژ 32 لیرهیان، لێ ل ڤان رۆژێن بۆرى ل گهل نزیكبوونا ههلبژارتنێن باژێڕڤانییان ل توركیا جارهكا دى بهایێ لیرهى نزمبوویهڤه.
وهلاتیێن توركى د ڤێ ههیڤێ دا بهرهڤ كڕینا دراڤى بیانى ڤه چووبوون ژ ترسا وێ چهندێ پشتى ههلبژارتنان بهایێ لیرهى نزم ببیت و ئهڤ چهنده بوویه ئهگهرێ كێمبوونا دراڤێ بیانى و بلندبوونا بهایێ دراڤێن بیانى بهرانبهر لیرهى.
د بهرانبهر دا، شڕۆڤهكارێن گۆلدمان ساكس پێشبینى دكهن، ههلبژارتنێن باژێڕڤانییان یێن گهرم ل ستهنبۆلێ ل ئێكشهمبیێ كارتێكرنهكا ئهرێنى ل سهر بهایێ لیرهیێ توركى بكهن و بهایێ وێ بلند ببیتهڤه.
لیرهیێ توركى د سالا 2023 دا نزیكى سێكا بهایێ خۆ ژدهستدابوو و د پێنج سالێن بۆرى دا نزیكى 80% ژ بهایێ خۆ ژدهستدایه.