گاڤ

به‌نكا ناڤه‌ندى یا ئیراقی پتر ملیار دۆلاران د حه‌فتییا بۆرى دا فرۆشتینه‌ و بهایێ دۆلارى ژى د رۆژێن بۆرى دا بۆ جارا ئێكێ پشتى بۆرینا چه‌ند هه‌یڤان هاته‌ د بن 1470 دیناران دا.

به‌نكا ناڤه‌ندى ل حه‌فتییا بۆرى ملیاره‌ك و 259 ملیۆن و 432 هزار و 212 دۆلار فرۆشتینه‌، ئه‌ڤ رێژه‌یه‌ پتر بوو ژ حه‌فتیا به‌رى وێ كو تێدا 783 ملیۆن و 749 هزار و 822 دۆلار فرۆشتبوون.

تێكرایێ رۆژانه‌ یێ فرۆشتنا دۆلارى ژ لایێ به‌نكا ناڤه‌ندى ڤه‌ د حه‌فتییا بۆرى دا 251 ملیۆن و 886 هزار و 442 دۆلار بوون.

د حه‌فتییا بۆرى دا، به‌نكا ناڤه‌ندى ل چارشه‌مبیێ پترین رێژه‌یا دۆلارى فرۆشتبوو كو 257 ملیۆن و 591 هزار و 195 دۆلار بوون و ل ئێكشه‌مبیێ كێمترین رێژه‌یا دۆلارى فرۆشتبوو كو 245 ملیۆن و 545 هزار و 947 دۆلار بوون.

ژ سه‌رجه‌مێ دۆلارێ به‌نكا ناڤه‌ندى د حه‌فتییا بۆرى دا فرۆشتى، رێژه‌یا 94% ژێ كو دبنه ملیاره‌ك و‌ 186 ملیۆن و 593 هزار و 292 دۆلار ب شێوه‌یێ حه‌واله‌یێن بۆ ده‌رڤه‌ ژ بۆ پاره‌داركرنا بازرگانیا ده‌رڤه‌ بوون.

هه‌روه‌سا 73 ملیۆن و 838 هزار و 920 هزار دۆلار ب شێوه‌یێ كاش ژ لایێ به‌نكا ناڤه‌ندى ڤه‌ د حه‌فتییا بۆرى دا هاتینه‌ فرۆشتن.