گاڤ

بهایێن زێڕى د سه‌ره‌ده‌ریێن ئه‌ڤرۆ دوشه‌مبیێ دا ل جیهانێ گه‌هشتنه‌ بلندترین ئاست د درێژییا دیرۆكێ دا.

ژ به‌ر هه‌بوونا پێشبینییان كو جڤاتا فیدرالى یا یه‌ده‌ك یا ئه‌مریكى دێ د ئه‌ڤ ساله‌ دا بهایێن قازانجێ كێم كه‌ت، بهایێن زێڕى بلندترین ئاستێ دیرۆكى تۆمار دكه‌ن.

ئه‌ڤرۆ نیڤرۆ بهایێن زێڕى د گرێبه‌ستێن پاشئێخستى دا ب رێژه‌یا 1.62% بلند بوون و بهایێ هه‌ر ئۆنسه‌یه‌كێ گه‌هشته‌ 2274.70 دۆلاران كو ئه‌ڤه‌ بلندترین ئاسته‌ د دیرۆكێ دا.

هه‌ڤده‌م بهایێ زێڕى د گرێبه‌ستێن نوكه‌ دا ب رێژه‌یا 0.92% بلند بوون و بهایێ ئۆنسه‌یه‌كێ گه‌هشته‌ 2250.71 دۆلاران.

هه‌روه‌سا بهایێن زیڤى ژى د گرێبه‌ستێن پاشئێخستى دا ب رێژه‌یا 1.30% بلند بوون و بهایێ هه‌ر ئۆنسه‌یه‌كێ گه‌هشته‌ 25.42 دۆلاران، ل گۆره‌ى داتایێن ئاژانسا بلۆمبێرگ.

بهایێن زێڕى د هه‌یاما بۆرى دا به‌رده‌وام بلند بووینه‌ هه‌ڤده‌م ل گه‌ل پێشبینیێن كێمكرنا بهایێن قازانجێ ژ لایێ به‌نكا ناڤه‌ندى یا ئه‌مریكى ڤه‌ زێده‌بارى گرژیێن جیۆسیاسى ل جیهانێ.

د هه‌یڤا بۆرى ژى دا، بهایێن زێڕى گه‌هشتبوونه‌ بلندترین ئاستێ خۆ ده‌مێ بهایێ ئۆنسه‌یه‌كێ گه‌هشتیه‌ 2230 دۆلاران.