بهایێ زێڕى گه‌هشته بلندترین ئاست د دیرۆكێ دا
04/05/2024 - 21:37
بەلاڤ بکە
گاڤ
بهایێ زێڕى ل جیهانێ به‌رده‌وام د بلندبوونێ دایه و ئه‌ڤرۆ ئه‌ینیێ گه‌هشته بلندترین ئاست د درێژییا دیرۆكێ دا.
ئاژانسان به‌لاڤكرینه؛ بهایێ زێڕى ل جیهانێ گه‌هشته بلندترین ئاست د دیرۆكێ دا و بهایێ هه‌ر ئۆنسه‌یه‌كا زێڕى ب 32 دۆلاران بلند بوو.
دیار ژى كرینه؛ بهایێ هه‌ر ئۆنسه‌یه‌كا زێڕى ئه‌ڤرۆ گه‌هشته 2323 دۆلاران.
پێشبینیێن ل دۆر كێمكرنا بهایێن قازانجێ ل ئه‌مریكا ژ لایێ جڤاتا یه‌ده‌ك یا فیدرالى یا ئه‌مریكى و كڕینا زێده یا زێڕى ژ ئه‌گه‌رێن بلندبوونا بهایێن زێڕى دهێنه هژمارتن.
د ڤێ حه‌فتیێ دا، بهایێن زێڕى ب رێژه‌یا 3.8% بلند بوون كو بۆ حه‌فتییا سیێ یه ل دویڤ ئێك بهایێن زێڕى ل جیهانێ قازانجان تۆمار دكه‌ن.
