یانهیهكا سعوودى دڤێت بهرانبهر مووچهیهكێ زهبهلاح ههڤبهستێ ل گهل مودرێچى ئیمزا بكهت
گاڤ
یانهیهكا سعوودى ئۆفهرهك ب مووچهیێ سالانه یێ 80 ملیۆن یۆرۆیان پێشكێشى لوكا مودرێچ یاریكهرێ كرواتى یێ هێلا ناڤین یێ ریال مهدرید كر.
ل گۆرهى راپۆرتێن ئسپانى؛ یانهیا ئههلى جهدده ئۆفهرهك بۆ گرێدانا ههڤبهستێ ل گهل لوكا مودرێچ ل گهل ب دویماهیك هاتنا ڤى وهرزى ب مووچهیێ سالانه یێ 80 ملیۆن یۆرۆیان پێشكێشكر.
بهرى نوكه مودرێچى ئۆفهرهكا یانهیهكا سعوودى رهتكربوو و ههڤبهستا خۆ ل گهل ریال مهدرید نویكربوو، لێ ل گهل دویماهییا ڤى وهرزى گرێبهستا وى ل گهل ریال مهدرید ب دویماهیك دهێت و دشێت گرێبهستێ ل گهل ههر یانهیهكێ گرێبدهت.
مودرێچ ههروهسا دو ئوپشنێن دى ژى ههنه، ئهو ژى یاریكرن ل خۆلا ئهمریكا یان ژى ڤهگهڕیان بۆ یانهیا دینامۆ زاگرب یا كرواتى.
ههر ژ دویماهییا سالا 2022، ژمارهیهكا ستێرێن جیهانى وهكى كریستیانۆ رۆنالدۆ، كهریم بێنزێما و نهیمار بهرانبهر مووچهیێن زهبهلاح ههڤبهست ل گهل یانهیێن خۆلا رۆشن یا سعوودى گرێداینه.