د سالهكێ دا ئیرانێ ب بهایێ 580 ملیۆن دۆلاران كهلوپهل ژ ئیراقێ هاوردهكرینه
گاڤ
د سالهكێ دا ئیرانێ ب بهایێ نێزیكى 580 ملیۆن دۆلاران كهلوپهل و بهرههم ژ ئیراقێ هاوردهكرینه، د دهمهكێ دا، ل وێ سالێ ئیراقێ ب بهایێ 7 ملیار دۆلاران كهلوپهل ژ ئیرانێ هاوردهكرینه ههروهسا ب بهایێ 2 ملیار دۆلاران غاز ژ ئیرانێ هاوردهكریه.
ئاژانسا میهر ئهڤرۆ دوشهمبیێ ژ بهرپرسهكێ ئیرانى ڤهگوهاستیه "د سالا بۆرى دا ئیرانێ ب بهایێ 580 ملیۆن دۆلاران كهلوپهل ژ ئیراقێ هاوردهكرینه".
د سالا بۆرى دا، هاوردهكرنا ئیرانێ بۆ كهلوپهلان ژ ئیراقێ ب رێژهیا 184% ب ههڤبهركرن ل گهل سالا 2022 زێدهبوویه.
وى بهرپرسى گۆت ژى "تشتێن سهرهكى یێن ئیرانێ ژ ئیراقێ هاوردهكرین پێكدهێن ژ بهرێن پیرۆز، كانزایێن گڕانبها، پیشهسازیێن كانزایان، كهرهستهیێن ناڤمالێ و كارهبایى و ئهلهكترۆنى".
ل گۆرهى داتایێن ژوورا بازرگانى یا ئیرانێ، ههر ژ سالا 2017 تا نوكه، هاوردهكرنا ئیرانێ بۆ كهلوپهلێن ئیراقێ ب دههجاركى زێدهبوویه.
ژ بهر ئاریشهیێن گرێداى ڤهگوهاستنێن پارهى ژ ئیرانێ ژ بهر سزایێن ل سهر وى وهلاتى، هندهك بازرگانێن وى وهلاتى كهلوپهلان ژ ئیراقێ دكڕن.