پێشبینی هەنە ئیران هێرش بکەتە ئسرائیلێ
04/12/2024 - 10:25
گاڤ
دەزگەهێن هەوالگیری یێن ئەمریکا و ئسرائیل باوەری هەیە ل حەفتیا بهێت ئیران دێ ژمارەکا هێرشان کەتە سەر ئسرائیلێ و ژمارەکا وان هێرشان دێ ب درۆنان بن.
ئاژانسا بلۆمبێرگ ژ زارێ بەرپرسەکێ ئەمریکی ئاشکرا کر: دەزگەهێ هەوالگیریا ئەمریکا سی ئای ئەی و دەزگەهێ هەوالگیریا ئسرائیلێ مۆسادێ زانیاری هەنە کو ل رۆژێن بهێن ئیران دێ ژمارەکا هێرشان ب مۆشەک و درۆنان کەتە سەر ئسرائیلێ و ئارمانج دێ بارەگەهێن حکومەتا ئسرائیلێ بن.
ژێدەری هەروەسا دیار کرییە: ئەڤ هێرشێن ئیرانێ دێ وەک بەرسڤەکێ بن بۆ هێرشێن ئسرائیلێ کرینە سەر بالیۆزخانەیا ئیرانێ ل پایتەختێ سووریێ دیمەشقێ و وان باوەری نینە کو ئیران سڤیلان بکەتە ئارمانج، بەلکو ئارمانج دێ بارەگەهێن حکومەتێ بن.