گاڤ

وه‌زاره‌تا ده‌رڤه‌ یا فره‌نسا شیره‌تان دده‌ته‌ وه‌لاتیێن فره‌نسى سه‌ره‌دانا سێ وه‌لاتان ل رۆژهه‌لاتا ناڤین نه‌كه‌ن.

ستیفان سیجۆرنێ وه‌زیرێ ده‌رڤه‌ یێ فره‌نسا ئه‌ڤرۆ ئه‌ینیێ شیره‌ت دانه‌ فره‌نسییان سه‌ره‌دانا وه‌لاتێن ئیران، ئسرائیل و فله‌ستین و لوبنانێ نه‌كه‌ن.

ناڤهاتى هه‌روه‌سا داخوازا ڤه‌گه‌ڕیانا خێزانێن فه‌رمانبه‌رێن دپلۆماتكارێن فره‌نسى ژ ته‌هرانێ كر.

ل گۆره‌ى ئاژانسا فرانس پرێس، ئه‌ڤ بڕیاره‌ د كۆمبوونه‌كا شانه‌یا قه‌یرانێ دا هاته‌ دان ل ده‌مه‌كێ گرژیێن دناڤبه‌را ئیران و ئسرائیلێ دا زێده‌بووینه‌.

هه‌روه‌سا كۆمپانیا لوفتهانزا یا ئه‌لمانى گه‌شتێن ئاسمانى یێن رۆژانه‌ ژ فرانكفۆرت بۆ ته‌هرانێ ژ به‌ر ئه‌گه‌رێن ئه‌منى هه‌لوه‌شاندینه‌.