ل دەرتەنگێ هورمز هێزەکا چەکدار دەست ب سەر کەشتییەکا بازرگانی دا گرت
04/13/2024 - 14:45
گاڤ
ئەڤرۆ ل دەرتەنگێ هورمز دەست ب سەر کەشتییەکا بازرگانی دا هاتە گرتن و دەستەیا ئۆپەراسیۆنێن بازرگانی یێن دەریایی یا بریتانیا دبێژیت: دەستێ ئیرانێ ل پشت وی کاری یە.
ئەڤرۆ رۆژا شەمبی 13-4-2024ێ ل دەرتەنگێ هورمز د ناڤبەرا ئیماراتێ و ئیرانێ دا هێزەکا چەکدار دەست ب سەر کەشتییەکا بازرگانی دا گرت کو ئالایێ پورتوگالێ پێڤەیە و کەشتی یا کۆمپانییا زۆدیاکە کو خودانێ وێ عەیال عوفەرێ سەرمایەدارێ ئسرائیلی یە.
دەستەیا ئۆپەراسیۆنێن بازرگانی یێن دەریایی یا بریتانی دەربارەی رویدانێ دبێژیت: وێ هێزا چەکدار پەیوەندی ب ئیرانێ ڤە هەیە و دەستێ ئیرانێ ل پشت گرتنا وێ کەشتییا بازرگانی یە.
پێشتر چەندین جاران گرۆپێن یەمەنی یێن نێزیکی ئیرانێ ل دەرتەنگێ باب ئەلمەندەب ل نێزیک سنۆرێن یەمەنێ د دەریایا سۆر دا دەست ب سەر کەشتییێن بازرگانی دا گرتییە.