گاڤ
بریتانیا هۆشدارى ژ زێده‌بوونا گرژییان ل رۆژهه‌لاتا ناڤین دان و دیاركر ئه‌ڤ چه‌نده‌ د به‌رژه‌وه‌ندییا چ لایه‌نان دا نابیت.
دێڤێد كامیرۆن وه‌زیرێ ده‌رڤه‌ یێ بریتانیا ئه‌ڤرۆ شه‌مبیێ ل سه‌ر تۆڕا ئێكس نڤیسیه‌ "گرژیێن زێده‌تر ل ده‌ڤه‌رێ د به‌رژه‌وه‌ندییا چ لایه‌نان دا نینه‌ و گه‌فه‌ ل سه‌ر ژیانا كه‌سێن مه‌ده‌نى".
ئاماژه‌ ب وێ چه‌ندێ ژى كر "بریتانیا دێ د كارى دا ل گه‌ل هه‌ڤپشكێن خۆ بۆ پشته‌ڤانییا ئێمناهییا هه‌رێمایه‌تى به‌رده‌وام بیت".
ئه‌ڤ چه‌نده‌ پشتى زێده‌بوونا گرژییان دناڤبه‌را ئیرانێ و گرۆپێن گرێداى وێ و ئسرائیلێ دا ل رۆژێن بۆرى هات. 
ژماره‌یه‌كا وه‌لاتان داخواز ژ وه‌لاتیێن خۆ كرینه‌ سه‌ره‌دانا ئیرانێ، ئیسرائیلێ و فله‌ستینێ و لوبنانێ و ده‌ڤه‌رێن جهێن ئالۆزییان ل رۆژهه‌لاتا ناڤین نه‌كه‌ن.
ژماره‌یه‌كا هێلێن ئاسمانى ژى گه‌شتێن خۆ بۆ ئیرانێ راوه‌ستاندینه‌، هه‌ڤده‌م ل گۆره‌ى میدیایێن ئسرائیلێ ژى، لڤینا ئاسمانى ل سه‌ر ئاسمانێ ئسرائیلێ راوه‌ستیایه‌.