سەرۆک نێچیرڤان بارزانی دێ ل گەل ئالییێن سیاسی کۆم بیت
بەلاڤ بکە
گاڤ
ئەمیندارێ بەرێ یێ وەزارەتا پێشمەرگەی راگەهاند: سەرۆکێ هەرێما کوردستانێ ل حەفتییا بهێت دێ سەرکردەیێن ئالییێن سیاسی گازی کەتە کۆمبوونەکێ و کۆمبوون دێ دەربارەی هەلبژارتنێن پەڕلەمانێ کوردستانێ بیت.
جەبار یاوەر، ئەمیندارێ گشتی یێ بەرێ یێ وەزارەتا پێشمەرگەی ئەڤرۆ د کۆنگرەیەکێ رۆژنامەڤانی دا راگەهاند: نێچیرڤان بارزانی، سەرۆکێ هەرێما کوردستانێ ل حەفتییا بهێت دێ ل سەرۆکاتییا هەرێما کوردستانێ ل گەل سەرکردەیێن ئالییێن سیاسی یێن هەرێما کوردستانێ کۆم بیت و بابەت گرێدای هەلبژارتنێن پەڕلەمانێ کوردستانێ یە.
جەبار یاوەری گۆت ژی: پارتی دیمۆکراتی کوردستان و پارتییێن پێکهاتەیێن هەرێما کوردستانێ، تێبینی ل سەر چەوانییا بڕێڤەچوونا هەلبژارتنان هەنە و دخوازن بهێنە پاشخستن، ئێکەتییا نشتیمانی و هێزێن دی ژی درژدن هەلبژارتن بهێنە کرن، لەورا د کۆمبوونا ل گەل سەرۆکێ هەرێمێ دا، ئەڤ بابەتە دێ هێتە بەحسکرن و دبیت بهێتە ئێکلاکرن.
پێشتر دادگەها فیدرالی یا ئیراقێ چەندین بریار دەربارەی هەلبژارتنێن پەڕلەمانێ کوردستانێ داینە و ل گۆرەی وان بڕیاران، 11 کورسیێن کۆتا کو کورسییێن نوینەرێن پێکهاتەیانن ل پەڕلەمانێ کوردستانێ، هەلوەشاندینە و کۆمسیۆنا هەلبژارتنان یا ئیراقێ ب چاڤدێرییا هەلبژارتنان راسپاردییە و هەروەسا هەرێما کوردستانێ ژ ئێک بازنەیێ هەلبژارتنان کرییە چار بازنە. پارتی ژ ڤان بریاران نەرازی یە و پێشتر دوپات کرییە: ب ڤی رەنگی ئەو پشکدارییێ د هەلبژارتنان دا ناکەت.
