ئهمریكا و بریتانیا سزایێن نوى ل سهر ئیرانێ سهپاندن
04/18/2024 - 17:03
گاڤ
ئهمریكا و بریتانیا سزا ل سهر دو كارگههێن دروستكرنا درۆنان و ژمارهیهكا سازى و تاكهكهسان ل ئیرانێ سهپاندن.
ئهمریكا و بریتانیا ئهڤرۆ پێنجشهمبیێ سزایێن نوى ل سهر ئیرانێ پشتى ئۆپهراسیۆنا وێ یا ڤێ دویماهیێ ل سهر ئسرائیلێ سهپاندن.
ل گۆرهى ABC News؛ وهزارهتا گهنجینهیا ئهمریكا سزا ل سهر 16 تاكهكهسان و دو دامهزراوهیێن دروستكرنا درۆنان سهپاندن.
ههروهسا بریتانیا ژى سزا ل سهر ژمارهیهكا سازیێن لهشكهرى یێن ئیرانى، تاكهكهسان و دامهزراوهیێن ئیرانى یێن درۆنان و مووشهكێن بالیستى دروست دكهن، سهپاندن.
جانێت یهلن وهزیرا گهنجینهیا ئهمریكا د بهیانهكێ دا دیاركریه "دێ رێكارێن پتر ل رۆژ و حهفتیێن بهێت ههبن".