سهنتهرهك: ههشت ملیۆن ترۆمبێل ل ئیراقێ ههنه
گاڤ
ههشت ملیۆن ترۆمبێل ل ئیراقێ د سالا 2024 دا ههنه و پێشبینى دهێته كرن د دهمێ شهش سالێن بهێت دا ژمارهیا ترۆمبێلان بگههیته پتر ژ 10 ملیۆن ترۆمبێلان.
فازل غهراوى سهرۆكێ سهنتهرێ ستراتیژى یێ مافێن مرۆڤى ل ئیراقێ د بهیانهكێ دا ئهڤرۆ پێنجشهمبیێ دیاركر "د سالا 2024 دا ژمارهیا ترۆمبێلان ل ئیراقێ ب رێژهیا 1.9% بلند بوویه، د سالا 2023 دا ژى ب رێژهیا 1.8% بلند بوویه ب ههڤبهركرن ل گهل سالا 2022".
ئاماژه ب وێ چهندێ ژى كر "چڕییا ترۆمبێلان ل ئیراقێ د سالا 2024 دا ب شێوهیهكێ یه كو ههر 5.55 كهسان ترۆمبێلهك ههیه، د سالا 2023 ژى دا ههر 5.43 ئیراقییان ترۆمبێلهك ههبوو و د سالا 2022 دا ژى ههر 5.42 ئیراقییان ترۆمبێلهك ههبوو".
ناڤهاتى پێشبینى كر ل گۆرهى زێدهبوونا پێشبینیكرى یا ژمارهیا ئاكنجییان، ژمارهیا ترۆمبێلان ل ئیراقێ د سالا 2030 دا بگههیته پتر ژ 10 ملیۆن ترۆمبێلان".
گۆت ژى "زێدهبوونا ژمارهیا ترۆمبێلان دێ بیته ئهگهرێ زێدهبوونا رویدانێن هاتنوچوونێ و قۆربانیێن وان، فشار ل سهر ژێرخانهیا رێك و پران، كارتێكرنێن نهرێنى ل سهر ژینگههێ زێدهبارى تێچوویێن مهزن یێن هاوردهكرنا ترۆمبێلان".