لژنه‌یه‌كا ئه‌مریكى - ئیراقى بۆ چارەسەركرنا کێشەیێن بانکى هاته‌پێكئینان
بەلاڤ بکە
پارێزگارێ به‌نكا ناڤه‌ندییا ئیراقێ راگه‌هاند، لژنه‌یه‌كا ئه‌مریكى – ئیراقى بۆ چاره‌سه‌ركرنا كێشه‌یێن بانكى یێن ئیراقێ هاتییه پێكئینان.
عەلى عەلاق، پارێزگارێ بانکا ناڤه‌ندى یا ئیراقێ راگه‌هاند، د كۆمبوونا د ناڤبه‌را شاندێ ئیراقێ و وه‌زاره‌تا گه‌نجینه‌یا ئه‌مریكا دا بڕیار هاتییه دان، لژنه‌یه‌ك د ناڤبه‌را بانكا ناڤه‌ندى یا ئیراقێ، وه‌زاره‌تا گه‌نجینه‌یا ئه‌مریكا و بانكا فیدرالییا ئه‌مریكى دا بهێته پێكئینان.
لژنه دێ كارى لسه‌ر دۆسیه‌یا وان بانكێن ئیراقى كه‌ن كو د ماوه‌یێ بۆرى دا ژلایێ وه‌زاره‌تا گه‌نجینه‌یا ئه‌مریكا ڤه هاتبوونه سزادان.
پارێزگارێ بانكا ناڤه‌ندییا ئیراقێ گۆت ژى، رێكارێن بانكا ناڤه‌ندى بۆ ڤه‌گوهاستنا پاره‌ى بۆ ده‌رڤه، 80% سه‌ركه‌فتى بووینه و دێ كار كه‌ن تا دویماهییا ئه‌ڤ ساله ل گۆره‌ى پیڤه‌رێن سه‌رده‌میانه یێن ڤه‌گوهاستن (حه‌واله‌كرنا پاره‌ى) كار بكه‌ن و وێ 20% ژى نه‌هێلن.
