گاڤ 
سەرۆککۆمارێ ئیراقێ دوسبە دێ چیتە بەغدا، دبیت پاشی بهێتە هەرێما کوردستانێ ژی و بالیۆزێ ئیراقێ ل ئەنقەرە دبێژیت: رێککەفتنەکا ستراتیژی دێ هێتە ئیمزاکرن.
ژڤانە دوسبە رۆژا دوشەمبی 22-4-2024ێ رەجەب تەییب ئەردۆگان، سەرۆککۆمارێ تورکیا ب سەرەدانەکا فەرمی بچیتە بەغدا و ل گۆرەی زانیارییێن بەری چەند رۆژان بەلاڤ بووین، دبیت پشتی سەرەدانا بەغدا، ئەردۆگان بهێتە هەولێرێ ژی.
ماجد جەماوی، بالیۆزێ ئیراقێ ل ئەنقەرە راگەهاند: رەجەب تەییب ئەردۆگان، سەرۆککۆمارێ تورکیا د چارچووڤەیێ سەرەدانا ئیراقێ دا دێ رێککەفتنەکا ستراتیژی د وارێن ئابۆر، ئاڤ و تێهن، و هنارتنا پەترۆلا ئیراقێ ب رێکا تورکیا ئیمزاکەت.
جەماوی هەروەسا دبێژیت: چەندین مەهن کار ل سەر ڤان رێککەفتنێن ستراتیژی دهێتە کرن و دبیت ئەڤ رێککەفتنە پشکەکا مەزن ژ کێشەیێن د ناڤبەرا ئیراقێ و تورکیا دا چارەبکەت.