گاڤ 
شانەیا راگەهاندنا سەربازی یا ئیراقێ راگەهاند: ل دەما چێبوونا پەقینا سەربازگەها کاسلۆ، چ فرۆکە ل ئاسمانێ بابل نەبوون و ژ ئەگەرێ پەقینێ، چەکدارەک هاتییە کوشتن و 8 برینداربووینە.
شانەیا راگەهاندنا سەربازی یا ئیراقێ ئەڤرۆ راگەهاند: ل دەما چێبوونا پەقینێ د سەربازگەها کاسلۆ دا، چ فرۆکە ل ئاسمانێ پارێزگەها بابل نەبووینە، لەورا ئەو پێشبینی دکەن پەقین ژ ئەردی بیت و لژنەیەک بۆ دویڤچوونا بابەتی هاتییە پێکئینان.
ژێدەری هەروەسا دیارکرییە: ل دەما چێبوونا پەقینێ، ئاگر بەربوویە پشکەکا سەربازگەها کاسلۆ و ژ ئەگەرێ پەقینێ و ئاگری، چەکدارەک هاتییە کوشتن و 8 چەکدارێن دی برینداربووینە.