پرۆژه‌یاسایه‌ك هاته په‌سه‌ندكرن ره‌نگه ببیته ئه‌گه‌رێ قه‌ده‌غه‌كرنا تیك تۆكى ل ئه‌مریكا
بەلاڤ بکە
گاڤ
جڤاتا نوینه‌رێن ئه‌مریكا ئه‌ڤرۆ شه‌مبیێ پرۆژه‌یاسایه‌ك په‌سه‌ندكر كو ره‌نگه ببیته ئه‌گه‌رێ قه‌ده‌غه‌كرنا ئه‌پلیكه‌یشنێ تیك تۆكى ل ئه‌مریكا.
ئاژانسان به‌لاڤكرینه؛ جڤاتا نوینه‌رێن ئه‌مریكا پرۆژه‌یاسایه‌ك په‌سه‌ندكر كو ره‌نگه ببیته ئه‌گه‌رێ قه‌ده‌غه‌كرنا تیك تۆكى ل ئه‌مریكا ئه‌گه‌ر تیك تۆك په‌یوه‌ندیێن خۆ ل گه‌ل كۆمپانیا بایت دانس یا چینى نه‌بڕیت.
به‌رپرسێن ئه‌مریكى تیك تۆكى ب وێ چه‌ندێ تۆمه‌تبار دكه‌ن كو چین ب رێكا وى ئه‌پلیكه‌یشنى سیخۆریێ ل سه‌ر 170 ملیۆن بكارهینه‌رێن وى ئه‌پلیكه‌یشنى ل ئه‌مریكا دكه‌ت.
پشتى په‌سه‌ندكرنا پرۆژه‌یاسایێ ژ لایێ جڤاتا نوینه‌ران ڤه، پێدڤییه جڤاتا پیران رازیبوونێ ل سه‌ر بده‌ت دا كو بكه‌ڤیته د وارێ بجهئینانێ دا، ل رۆژا سێشه‌مبیێ جڤاتا پیران دێ بڕیارێ ل سه‌ر پرۆژه‌یاسایێ ده‌ت.
به‌رى نوكه ژى، ژماره‌یه‌كا ویلایه‌تێن ئه‌مریكى بكارئینانا تیك تۆكى ژ لایێ فه‌رمانبه‌ران ڤه قه‌ده‌غه‌كربوون.
