گاڤ

شاشییه‌ك د ئه‌پدێتا نوى یا ئه‌پلیكه‌یشنێ وه‌تسئه‌پى د ژماره‌یه‌كا جۆرێن موبایلێن ئه‌ندرۆید دا دیاربوویه‌ كو ل گۆره‌ى وێ بكارهینه‌ر نه‌شێت ڤیدیۆیان ب رێكا وه‌تسئه‌پى ڤرێبكه‌ت.

مالپه‌رێ 9to5google دیاركریه‌ "گه‌له‌ك گله‌یی د پلاتفۆرما Reddit دا هاتینه‌ به‌لاڤكرن ئه‌و ژى ژ به‌ر هه‌بوونا ئاریشه‌یان د ڤرێكرنا گرته‌یێن ڤیدیۆیى د وه‌تسئه‌پى د موبایلێن سیسته‌مێ وان Android دا".

دیار ژى كریه‌؛ ئه‌ڤ شاشییه‌ د ماوه‌یێ 24 ده‌مژمێرێن بۆرى د ئه‌پدێتا نوى یا وه‌تسئه‌پى v2.24.9.34 د موبایلێن ئه‌ندرۆید دا هه‌بوویه‌.

ل ده‌مێ بكارهینه‌ر بزاڤا ڤرێكرنا ڤیدیۆیه‌كێ دكه‌ت، نامه‌یه‌ك بۆ وى دیار دبیت و تێدا هاتیه‌ نڤیسین "د شیان دا نینه‌ ئه‌ڤ ڤیدیۆیه‌ بهێته‌ ڤرێكرن، ڤیدیۆیه‌كا دى بهه‌لبژێره‌ و جاره‌كا دى بزاڤێ بكه‌".

ئه‌ڤ ئاریشه‌یه‌ د هه‌مى جۆرێن موبایلێن سیسته‌مێ وان ئه‌ندرۆید دا په‌یدا نه‌بوویه‌، به‌لكو د هنده‌ك جۆران دا.

چاره‌سه‌رییا ده‌مكى ئه‌وه‌ بكارهینه‌رێن موبایلێن ئه‌ندرۆید ئه‌پدێتا به‌رى نوكه‌ یا وه‌تسئه‌پى 2.24.8.8 بۆ ڤرێكرنا ڤیدیۆیان بكاربینن هه‌تا ئه‌و ئاریشه‌یه‌ بهێته‌ چاره‌كرن.