گاڤ

كۆمپانییا تێسلا یا دورستكرنا ترۆمبێلێن كاره‌بێ یا ئیلۆن ماسكى بڕیارا كێمكرنا بهایێن ترۆمبێلێن خۆ ل ئه‌مریكا و چینێ پشتى كێمبوونا فرۆشتنا ترۆمبێلێن وێ دا.

ل گۆره‌ى مالپه‌رێ فه‌رمى یێ تێسلا؛ وێ كۆمپانیێ بهایێ ده‌ستپێكى یێ ترۆمبێلا مودێل 3 ژ بۆ 231900 یوانێن چینى كو دبنه‌ 32000 دۆلار كێمكر ل ده‌مه‌كێ به‌رى نوكه‌ بهایێ وێ 245900 یوان بوون.

هه‌روه‌سا بهایێ تێسلا یا مودێل Y بۆ 249900 یوانێن چینێ كو دبنه‌ 34500 دۆلار كێمكر ل ده‌مه‌كێ به‌رى نوكه‌ ب 263900 یوانان بوو.

هه‌ڤده‌م تێسلایێ كێمكرنا بهایێ ترۆمبێلێن خۆ ل ئه‌مریكا ژى به‌رى نوكه‌ راگه‌هاند بوو كو د نوكه‌ دا بهایێ ئه‌رزانترین ڤێرژن ژ مودێل Y د نوكه‌ دا 42990 دۆلارن و ب ڤێ چه‌ندێ بهایێ ده‌ستپێكى یێ وێ ترۆمبێلێ گه‌هشتییه‌ نزمترین ئاست، هه‌ڤده‌م بهایێ هه‌ردو ڤێرژنێن دى یێن بهایێ وان بلندتر ژ مودێل Y ژى ب 2000 دۆلاران كێمكریه‌.

هه‌روه‌سا بهایێ مودێل X ژى بۆ كێمترین ئاستێ وێ تا نوكه‌ كێمكریه‌، وه‌كى ئاژانسا بلۆمبێرگ ئاماژه‌پێكرى.

هه‌ر ژ ده‌ستپێكا ئه‌ڤ ساله‌ ژ به‌ر نیگه‌رانیێن ل دۆر كێمبوونا فڕۆشتنا ترۆمبێلێن تێسلا، بهایێ پشكێن وێ كۆمپانییێ ب رێژه‌یا 40% كێمبووینه‌.