گاڤ

كۆمپانییا گووگل د حه‌فتییا بۆرى دا تێستا سیسته‌مێ كاركرنێ یێ نوى یێ ئه‌ندرۆیدێ Android 15 Beta به‌رده‌ستكربوو و دهێته‌ چاڤه‌رێكرن د هه‌یڤا ته‌باخێ یان ئیلۆنا بهێت دا ڤێرژنێ ته‌مام ژێ به‌رده‌ستبكه‌ت.

سیسته‌مێ كاركرنێ یێ Android 15 دێ ل سه‌ر موبایلێن سیسته‌مێ وان ئه‌ندرۆید ل سالێن 2024 و 2025 كاركه‌ت.

سیسته‌مێ كاركرنێ یێ نوى یێ ئه‌ندرۆیدێ جارێ ب تنێ وه‌ك تێست بۆ پێشڤه‌به‌رێن ئه‌پلیكه‌یشنان هاتیه‌ به‌رده‌ستكرن و ئه‌ڤ ڤێرژنه‌ ب سه‌قامگیرترین ڤێرژنێ ئه‌ندرۆیدێ هه‌ر ژ هه‌یڤا شوباتا ئه‌ڤ ساله‌ 2024 نا نوكه‌ دهێته‌ هژمارتن.

ل گۆره‌ى مالپه‌رێ ait news؛ گووگل د سیسته‌مێ كاركرنێ یێ ئه‌ندرۆید 15 دا، دێ ژماره‌یه‌كا ساخله‌تان و باشتركرنێن سه‌ره‌كى به‌رده‌ستكه‌ت كو دێ ئاستێن تایبه‌تمه‌ندییێ و ئێمناهییێ یێن بكارهینه‌رى پارێزیت هه‌روه‌سا دێ ئه‌زموونه‌كا كاركرنێ یا ب ساناهیتر بۆ ئه‌پلیكه‌یشنان به‌رده‌ستكه‌ت.

ژ گرنگترین گوهۆرینێن دێ د ئه‌ندرۆید 15 دا هه‌بن، پێكدهێن ژ: كاركرنا ئه‌پلیكه‌یشنان ب ئوتوماتیكى د شاشه‌یا Full Screen دا، ئه‌رشیڤكرنا ئه‌پلیكه‌یشنان، پاراستنه‌كا باشتر بۆ داتا و زانیاریێن بكارهینه‌رى، پاراستنا تایبه‌تمه‌ندییا بكارهینه‌رى ل ده‌مێ بكارئینانا واى فاى و هێلێن ئه‌نترنێتێ و پاراستنه‌كا باشتر ژ ئه‌پلیكه‌یشنێن زیانبه‌خش.