د ساله‌كێ دا ئیراقێ ب بهایێ نزیكى 13 ملیار دۆلاران كه‌لوپه‌ل و به‌رهه‌مێن توركى هاورده‌كرینه
04/25/2024 - 18:32
بەلاڤ بکە
گاڤ
ئینستیتیۆتا ئاماران یا توركى قه‌باره‌یێ ئالوگۆرییا بازرگانى دناڤبه‌را ئیراقێ و توركیا د سالا بۆرى 2023 دا ئاشكرا كر و راگه‌هاند؛ د ساله‌كێ دا ئیراقێ ب بهایێ نزیكى 13 ملیار دۆلاران كه‌لوپه‌ل و به‌رهه‌مێن توركى هاورده‌كرینه.
ئینستیتیۆتا ئاماران یا توركى د به‌یانه‌كێ دا ئه‌ڤرۆ پێنجشه‌مبییێ راگه‌هاند "توركیا د سالا بۆرى دا ب بهایێ 12.8 ملیار دۆلاران به‌رهه‌م و كه‌لوپه‌ل هنارده‌ى ئیراقێ كرینه".
دیار ژى كریه "هه‌ڤده‌م توركیا د سالا بۆرى دا ب بهایێ 1.5 ملیار دۆلاران به‌رهه‌مێن ئیراقێ هاورده‌كرینه".
ئاماژه ب وێ چه‌ندێ ژى كریه؛ ل سه‌ر ئاستێ پێنج سالێن بۆرى، ل سالا 2020 قه‌باره‌یێ ئالوگۆرییا بازرگانى دناڤبه‌را ئیراقێ و توركیا دا گه‌هشتبوو بلندترین ئاست كو سه‌رجه‌مێ بهایێ وێ گه‌هشتبوو 17.3 ملیار دۆلاران.
