ئهمریكا سزایێن نوى ل سهر ئیرانێ سهپاندن
گاڤ
ئهمریكا سزایێن نوى ل سهر ئیرانێ سهپاندن و تێدا ژمارهیهكا كۆمپانییان و دامهزراوهیان و فڕۆكهیان و تانكهرێن پهترۆلێ هاتنه سزادان.
وهزارهتا گهنجینهیێ یا ئهمریكا ئهڤرۆ پێنجشهمبییێ راگههاند؛ سزاییێن نوى ل سهر ههشت تاكهكهسان و ژمارهیهكا دامهزراوهیان و تانكهرێن پهترۆلێ و فڕۆكهیان ژ بهر پهیوهندییا وان ب شێوهیهكێ ئێكسهر یان نهئێكسهر ب سۆپایێ پاسداران ڤه هاتنه سهپاندن.
سزایێن نوى ل سهر ههشت تاكهكهسان، 14 كۆمپانییان، 5 تانكهرێن پهترۆلێ و بارههلگران و ژمارهیهكا كۆمپانیێن فڕۆكهڤانییێ و فڕۆكهیان یێن پهیوهندى ل گهل سوپایێ پاسداران ههین، هاتنه سهپاندن.
ئهمریكا بهرى دو رۆژان ژى سزا ل سهر دو كۆمپانی و چار تاكهكهسان ل ئیرانێ ژ بهر هێرشێن سایبهر ل سهر 12 كۆمپانى و سازیێن حكومى یێن ئهمریكا سهپاند بوون.
ههر ژ دهستپێكا ئالۆزبوونا رهوشا رۆژههلاتا ناڤین و شهڕێ ل غهزه و تا نوكه، ئهمریكا پتر ژ جارهكێ سزا ل سهر سازى، كۆمپانى و تاكهكهسێن ئیرانى سهپاندینه.
ههروهسا ئهمریكا سزایێن دارایى ل سهر ژمارهیهكا بهنكان ژى ژ دهرڤهى ئیرانێ سهپاندینه.