سوودانی: کەسێن پەیوەندی ب هێرشا کۆرمۆر ڤە هەی، دێ هێنە گرتن
گاڤ
سەرۆکوەزیرێ ئیراقێ د کۆمبوونا هەڤپەیمانییا برێڤەبرنا دەولەتێ دا چەندین بابەتێن گرێدایی سەرەدانا وان بۆ واشنتون و سەرەدانا سەرۆککۆمارێ تورکیا بۆ ئیراقێ بەحسکرن و دەربارەی هێرشا کۆرمۆر راگەهاند: ئەو گەهشتینە هندەک سەرەداڤان بۆ گرتنا هندەک کەسێن پەیوەندی ب هێرشا کۆرمۆر ڤە هەی و ئەو کەس دێ هێنە گرتن.
هەڤپەیمانییا بڕێڤەبرنا دەولەتێ ژ زارێ محەمەد شیاع سوودانی، سەرۆکوەزیرێ ئیراقێ راگەهاند: د سەرەدانا ئەمریکا دا وان چەندین بابەتێن گرێدایی پەیوەندییێن هەڤپشک بەحسکرن و کۆمبوونێن وان ب بەرهەم بوون.
دەربارەی سەرەدانا رەجەب تەییب ئەردۆگان، سەرۆککۆمارێ تورکیا بۆ ئیراقێ سوودانی گۆتییە: سەرەدانا سەرۆککۆمارێ تورکیا دوپاتییا کویراتییا پەیوەندییێن هەردو وەلاتان بوو.
سوودانی د کۆمبوونێ دا هێرشا ل سەر کێلگەها کۆرمۆر شەرمزار کرییە و راگەهاندییە: ئەو گەهشتینە هندەک سەرەداڤان دەربارەی کەسێن پەیوەندی ب هێرشێ ڤە هەی و هەر دەما لێکۆلین ب دویماهی هاتن، ئەو دێ تاوانباران دەستەسەر کەن.