نوورى مالكى: نێچیرڤان بارزانى چاره ل گه‌ل خۆ ئیناینه به‌غدایێ
بەلاڤ بکە
گاڤ
نوورى مالكى، سه‌رۆكێ هه‌ڤپه‌یمانییا ده‌وله‌تا قانوونێ راگه‌هاند، نێچیرڤان بارزانى سه‌رۆكێ هه‌رێما كوردستانێ چاره ل گه‌ل خۆ ئیناینه به‌غدایێ.
ئه‌ڤرۆ نێچیرڤان بارزانى، سه‌رۆكێ هه‌رێما كوردستانێ ل گه‌ل هه‌ژماره‌كا مه‌زنه سه‌ركرده‌یێن سیاسى یێن ئیراقێ كۆمبوو، ئێك ژ وان نوورى مالكى، سه‌رۆكێ هه‌ڤپه‌یمانییا ده‌وله‌تا قانوونێ بوو.
هه‌ر ل دۆر سه‌ره‌دانا نێچیرڤان بارزانى سه‌رۆكێ هه‌رێما كوردستانێ بۆ به‌غدایێ نوورى مالكى، سه‌رۆكێ هه‌ڤپه‌یمانییا ده‌وله‌تا قانوونێ د كۆنگره‌یه‌كێ رۆژنامه‌ڤانى دا رادگه‌هینیت، ب چ ره‌نگان و ژ چ وه‌لاتان قه‌بوول ناكه‌ین هێرش ل سه‌ر ئیراقێ بهێنه كرن و گۆت: سه‌رۆكایه‌تییا هه‌رێمێ نیاز هه‌یه هه‌لبژارتنان ل مه‌ها ده‌هـ بكه‌ت و ئه‌ڤه ده‌ستهلاتا هه‌رێمێ یه وێ بڕیارێ بده‌ت و چاره‌یا سروشتى بۆ مووچه‌یان ژى هاتییه دیاركرن.
هه‌روه‌سا ئاشكراكر، لژنه‌یه‌ك دێ بۆ دانوستاندنێ ل دۆر هه‌لبژارتنێن هه‌رێما كوردستانێ هێته پێكئینان و پێدڤیه كێشه بهێنه چاره‌كرن.
دیاركر ژى، سه‌ره‌دانا سه‌رۆكوه‌زیرێن ئیراقێ بۆ ئه‌مریكا و ئه‌و خالێن هه‌ڤپشك یێن ل گه‌ل هه‌رێمێ د كۆمبوونان دا هاتینه به‌حسكرن.
