تێلیگرامى ژماره‌یه‌كا گوهۆڕینان زێده‌كرن
بەلاڤ بکە
گاڤ
ئه‌پلیكه‌یشنێ تێلیگرامى ژماره‌یه‌كا گوهۆڕینێن نوى به‌رده‌ستكرن كو ئارمانج ژێ ئه‌وه بكارهینه‌ر مفایه‌كێ پتر ژ ئه‌پلیكه‌یشنى وه‌ربگرن.
ژ خزمه‌تگۆزارییێن نوى، خانه‌یه‌ك د ئه‌پلیكه‌یشنى دا هاتیه زێده‌كرن، ده‌مێ بكارهینه‌ر كلیكێ ل سه‌ر دده‌ت، دێ لیستا هه‌مى كه‌نالێن بكارهینه‌رى فه‌له‌وكرین ب جاره‌كێ بۆ وى دیار دبیت زێده‌بارى وان كه‌نالێن ئه‌پلیكه‌یشن بۆ وى پێشنیار Recommend دكه‌ت.
هه‌روه‌سا د لیستا Settings دا، به‌شه‌ك ب ناڤێ پرۆفایلێ كه‌سۆكى هاتیه زێده‌كرن كو بكارهینه‌ر دشێت ل وێرێ مێژوویا ژدایكبوونا خۆ و ژماره‌یه‌كا داتایێن نوى زێده بكه‌ت، زێده‌بارى ستۆرییێن لڤۆك و ئیمۆجییان، هه‌روه‌سا دیتنا وێ چه‌ندێ كا ب چ شێوه پرۆفایلێ وى ژ لایێ بكارهینه‌رێن دى ڤه دهێته دیتن.
هه‌ر د پشكا پرۆفایلێ كه‌سۆكى دا، بكارهینه‌ر دشێت كه‌نالێ خۆ یێ تایبه‌ت تێدا بدانیت دا كو كه‌سێن بشێن ته‌ماشه‌ى كه‌نالێ وى بكه‌ن.
هه‌ر ل گۆره‌ى گوهۆڕینێن نوى، بكارهینه‌ر دشێت لوكه‌یشنێ خۆ بۆ بكارهینه‌رێن دى بۆ ده‌مه‌كێ ده‌ستنیشاكرى دیار بكه‌ت یان ژى ل هه‌ر ده‌مه‌كێ براوه‌ستینیت.
هه‌ر د ئه‌پلیكه‌یشنى دا، ژماره‌یه‌كا سێتینگس Settings یێن نوى بۆ كونترۆلكرنا نوتیفیكه‌یشنێن ریه‌كشنان ل سه‌ر نامه‌یان و ستۆرییان هاتینه زێده‌كرن.
