بۆڕییەکا غازێ شکەست و گوندەک هاتە چۆلکرن
04/29/2024 - 10:52
گاڤ
ئەڤرۆ سپێدێ ل سنۆرێ پارێزگەها کەرکووکێ بۆڕیەکا غازێ شکەست و شکەستنا وێ ترس خستە سەر ژیانا وەلاتییێن گوندەکی.
ئەڤرۆ سپێدێ ل گوندێ قزلیار ل سنۆرێ ناوچەدارییا پایچ سەر ب پارێزگەها کەرکووکێ ڤە، بۆڕییەکا مەزن یا کۆمپانییا نەفتا باکۆر شکەست و غاز ل ئاسمانێ وێ دەڤەرێ بەلاڤ بوو.
پشتی شکەستنا بۆڕییێ، ترس کەفتە سەر ژیانا وەلاتییێن وی گوندی، لەورا گوند هاتییە چۆلکرن، لێ تیمێن کۆمپانییا نەفتا باکۆر کار ل سەر چاککرنا بۆڕییێ کر و پشتی 3 دەمژمێران شیان دەرچوونا غازێ ل بۆڕییێ کۆنترۆل بکەن.