د رویدانهكا هاتنوچوونێ دا 3 كهسان گیانێ خۆ ژ دهستدا
04/29/2024 - 19:09
گاڤ
د رویدانهكا هاتنوچوونێ دا لسهر رێیا كهلار بۆ دهرگههێ سنوریێ پهروێزخان، 3 كهسان گیانێ خۆ ژ دهستدا، كهسهك برینداربوویه.
رێڤهبهرییا هاتنوچوونا كهلار سهنتهرێ دهڤهرا گهرمیان د رۆهنكرنهكێ دا راگههاند، ژ ئهگهرێ پێكدادانا دو ترۆمبێلان ژ جورێ نیسان ئالتیما و بارههلگرهكا مان لسهر رێیا كهلار بۆ دهرگههێ سنوریێ پهروێزخان، 3 كهسان گیانێ خۆ ژ دهستدا، كهسهك ژى بریندار بوویه.
هاتنوچوونا كهلار دیار كر ژى، كهسێن گیانێ خۆ ژ دهستداین، سوارێن ترۆمبێلا ئالتیما بوون، تهرمێن وان بۆ پزیشكییا دا و كهسێ بریندار ژى بۆ نهخۆشخانهیێ هاتنه ڤهگوهاستن.
ههروهسا تیمێن پۆلیسێن هاتنوچوونێ ڤهكۆلین ل دۆر بوویهرێ دهستپێكرى یه، ب مهرهما زانینا، ئهگهران و چهوانیا رویدانێ.