گاڤ

به‌رپرسێ سیاسه‌تا ده‌رڤه‌ د ئێكه‌تییا ئه‌ورۆپى دا راگه‌هاند؛ ل نێزیك ژماره‌یه‌كا ده‌وله‌تێن ئه‌ورۆپى دێ دانپێدانێ ب ده‌وله‌تا فله‌ستینێ كه‌ن.

جۆزێپ بۆرێل ئه‌ڤرۆ دوشه‌مبییێ راگه‌هاند "دهێته‌ چاڤه‌رێكرن ژماره‌یه‌كا وه‌لاتێن ئه‌ندام د ئێكه‌تییا ئه‌ورۆپى دا ل گه‌ل دویماهییا هه‌یڤا گۆلانا بهێت دانپێدانێ ب ده‌وله‌تا فله‌ستینێ بكه‌ن".

هه‌ڤده‌م پێدرۆ سانشێز سه‌رۆكوه‌زیرێ ئسپانیا پێگیرییا وه‌لاتێ خۆ ب دانپێدانێ ب ده‌وله‌تا فله‌ستینێ دوپاتكر و دیاركر "چاره‌سه‌رییا دو ده‌وله‌تان رێكا ئێكانه‌ یا ئاشتى و ئێمناهییێ یه‌ ل ده‌ڤه‌رێ".

هه‌روه‌سا مایكل مارتێن وه‌زیرێ ده‌رڤه‌ یێ ئێرلاند راگه‌هاند؛ وه‌لاتى وى ل گه‌ل هه‌ڤپشكێن خۆ د بۆچوونێ دا ل ئێكه‌تییا ئه‌ورۆپى كار ل سه‌ر وێ چه‌ندێ دكه‌ن كو دانپێدان ب ده‌وله‌تا فله‌ستینێ بهێته‌ كرن.

زێده‌بارى ئسپانیا و ئێرلاند، هنده‌ك وه‌لات ژ ده‌رڤه‌ى‌ ئێكه‌تییا ئه‌ورۆپى ژى وه‌كى ئوسترالیا هزر د دانپێدانێ ب ده‌وله‌تا فله‌ستینێ دا دكه‌ن.

ل گۆره‌ى ئاماره‌كا فله‌ستینێ؛ ژ سه‌رجه‌مێ 193 وه‌لاتێن ئه‌ندام د نه‌ته‌وه‌یێن ئێكگرتى دا، 137 وه‌لاتان دانپێدان ب ده‌وله‌تا فله‌ستینێ كرینه‌.