گاڤ

قایمقامییا قەزا ئامێدییێ ئاگەهدارییەک بۆ دەمێن سەرەدانا بەرێ سیلێ و ژمارەکا رێنمایان بەلاڤکرن.

ل گۆرەی ئاگەهدارییا قایمقامییا قەزا ئامێدییێ، ژ ئەڤرۆ تا سوبەهی دەمژمێر 10ی شەڤێ وەلاتی دشێن سەرەدانا بەرێ سیلێ بکەن.

هەروەسا دیارژی کر کو ژ رۆژا 2/5/2024 تا 10/5/2024 ژ دەمژمێر 12ێ نیڤرۆ تا 10ێ شەڤێ وەلاتی دشێن سەرەدانا بەرێ سیلێ بکەن.

قایمقامییا قەزا ئامێدییێ ژمارەکا رێنمایان ژی بەلاڤکر و تێدا هاتییە، هەلگرتن و برنا چەکی بۆ وێ دەڤەرێ قەدەغەیە، نابیت خۆ نێزیکی جهێن پێشمەرگەیی بکەن و سنۆرێن هاتینە دیارکرن نابیت بهێنە بەزاندن، نابیت وەلاتی خۆ نێزیکی جهێن مین و تەقەمەنییان بکەن، پێدڤییە سەیرانی پاقژییێ ب پارێزن و پێگری ب دەمێ دەستنیشانکری ژی بهێتەکرن.