کۆمپانیێن قەتەری دێ ئێک ژ مەزنترین کۆمەلگەهێن گەشتیاری و 5 پرۆژەیێن دی یێن مەزن ل زاخۆ چێکەن
گاڤ
بەرێ سەرمایەدارێن قەتەری دکەڤیتە زاخۆ و ل قووناغا دەستپێکێ دێ شەش پرۆژەیێن مەزن هێنە چێکرن.
جەگەرخوین تاهر، رێڤەبەرێ وەبەرهێنانا زاخۆ بۆ گاڤ گۆت: شاندا ئیدارەیا سەربخۆ یا زاخۆ د سەرەدانا خۆ دا بۆ قەتەرێ ژمارەکا پرۆژەیان پێشکێشی دەزگەهێ قەتەری یێ وەبەرهێنانێ کرن و وی دەزگەهی رازیبوون ل سەر چێکرنا ژمارەکا وان پرۆژەیان ل زاخۆ دا.
رێڤەبەرێ وەبەرهێنانا زاخۆ دا زانین ژی کو ئەو پرۆژەیێن دێ هێنە چێکرن:
- پرۆژەیێ سکرێ زاخۆ ل سەر رویبارێ زاخۆ،
- مەزنترین پرۆژەیێ گەشتیاری دێل گەلییێ زاخۆ،
- پرۆژەیەکێ چاندنێ ل سەر روبەرێ پتر ژ 1000 دونەمان،
- ئینانا براندێن جیهانی یێن خوارنگەهان بۆ کۆرنیشێ زاخۆ
- چێکرنا پرۆژێ شەمەندەفرا هەلاویستی ب درێژاهییا رویبارێ خابیری ل سنۆرێ زاخۆ
- هەروەسا چێکرنا کۆمەلگەهەکا گەشتیاری کو باژێڕێ یارییان، باژێڕێ بەفرێ و باژێڕێ ئاڤێ دێ د ناڤ دا هەبن.
جەگەرخوین تاهری دوپات ژی کت کو ل ڤان نێزیکان دێ شاندەکا قەتەرێ سەرەدانا زاخۆ کەت بۆ هەلسەنگاندنا وان پرۆژەیان و بریاردانێ ل سەر.
ل گۆرەی یاسایێن بەرکار یێن هەرێما کوردستانێ، هەر کەسەکێ ل کەرتێ تایبەت کار بکەت، پێدڤییە دەستەبەرییا جڤاکی ئانکو (ضمان اجتماعي) هەبیت، داکو ل دەما هەر رویدانەکا نەخواستی یان ب ناڤسالڤەچوونێ، ئەو کەس وەک فەرمانبەرەکێ حکومەتێ بشێت مووچەیەکێ وەک خانەنشینییێ وەربگریت.
وەلات ئۆزمانی، سەرۆکێ سەندیکا کرێکارێن کوردستانێ لقا دهۆکێ بۆ گاڤ گۆت: ل پارێزگەها دهۆکێ نێزیکی 100 هزار کرێکارێن ناڤخۆ و 20 هزار کرێکارێن بیانی هەنە و ژ سەرجەمێ وان 120 هزاران، 20 هزار کرێکارێن رۆژانەنە، ئانکو هندەک رۆژان کار دکەن و هندەک رۆژان ژی دبێکارن.
ئۆزمانی هەروەسا گۆت: ژ سەرجەمێ وان 120 هزار کرێکاران، بتنێ 20 هزاران ژ وان دەستەبەرییا جڤاکی بۆ خۆ چێکرییە.