وه‌زاره‌تا ناڤخۆ یا ئیراقێ: 15ملیۆن پارچه‌یێن چه‌كێ بێ مۆله‌ت ل ئیراقێ هه‌نه
بەلاڤ بکە
گاڤ
وه‌زاره‌تا ناڤخۆ یا ئیراقێ رادگه‌هینیت، 15 ملیۆن پارچه‌یێن چه‌كێ بێ مۆله‌ت ل ئیراقێ هه‌نه و ده‌هان جهـ و په‌یچێن سۆشیال میدیایێ كو تایبه‌ت بوون ب فرۆشتنا چه‌كى هاتینه داخستن.
عه‌مید زیاد قه‌یسى، په‌یڤدراێ لژنه‌یا رێكخستن و سنۆرداركرنا چه‌كى د ده‌ست ده‌وله‌تێ دا بۆ ئاژانسا فه‌رمى یا ئیراقێ گۆت: قۆناغا ئێكێ یا پرۆسه‌یا تۆماركرنا چه‌كێ بێ مۆله‌ت هاتییه‌كرن و هه‌ژماره‌كا په‌یچێن سۆشیال میدیاێ و جهێن فرۆشتنا چه‌كى هاتینه داخستن.
هه‌روه‌سا راگه‌هاند، 15 ملیۆن پارچه‌یێن چه‌كێ بێ مۆله‌ت ل ئیراقێ هه‌نه و ئه‌ڤه نه هه‌ژمارا دوماهیێ یه و تۆماركرنا چه‌كێ بێ مۆله‌ت به‌رده‌وامه و قۆناغا دووێ ده‌ستپێكریه.
ل دۆر كۆمه‌له‌یا نێچیرڤانان ژى دیاركر، كۆمه‌لێ ده‌ستووریا هه‌لگرتن و هه‌بوونا چه‌كى ننینه و هه‌لگرتنا هه‌ر جۆره چه‌كه‌كى بنپێكارییه هه‌مبه‌رى قانوونێ و پێدڤى یه بهێنه تۆماركرن.
