ئیراق: گرنگییه‌كا مه‌زن د ده‌ینه دۆسیه‌یا ئاڤێ دگه‌ل تركیا
بەلاڤ بکە
گاڤ
كۆمبوونا دووێ یا لژنه‌یا هه‌ڤپشك یا ئیراقێ و تركیا ل دۆر دۆسیه‌یا ئاڤێ ل به‌غدا برێڤه چوو، وه‌زیرێ ژێده‌رێن ئاڤا ئیراقێ ژى راگه‌هاند، سه‌رۆكوه‌زیر سودانى گرنگییه‌كا مه‌زن دده‌ته دۆسیه‌یا ئاڤێ دگه‌ل تركیا و ب ئێك ژ كارێن ل پێش یێن حكومه‌تێ دزانیت.
دۆبیریس ئاکنجی، بریکارێ وەزارەتا ده‌رڤه‌یا تركیا ئه‌ڤرۆ راگه‌هاند، هه‌ر ئێك ژ وه‌زیرێن چاندنێ، وه‌زیرێ ئاڤدێرى و دارستانێن تركیا گرنگییه‌كا مه‌زن ب دۆسیه‌یا ئاڤێ دگه‌ل ئیراقێ دده‌ن، ب تایبه‌تى پشتى دیدارا سه‌رۆك كۆمارێ تركیا و سه‌رۆكوه‌زیرێ ئیراقێ ل به‌غدایێ.
د سه‌ره‌دانا سه‌رۆك كۆمارێ تركیا ره‌جه‌ب ته‌یب ئه‌ردۆغانى دا بۆ ئیراقێ ل 22ى نیسانا بۆرى پتر ژ 25 لێكتێگه‌هشتن و رێككه‌فتن د وارێن ئابۆرى، بازرگانى و ئێمناهیێ دا هاتنه ئیمزاكرن، دۆسیه‌یا ئاڤێ ئێك ژ مژارێن به‌رپرسێن ئیراقێ بوو دگه‌ل ئه‌ردۆغانى.
هه‌ڤده‌م عون زیاب، وه‌زیرێ ژێده‌رێن ئاڤێ یێ ئیراقێ ئاشكراكر، سه‌رۆكوه‌زیر محه‌مه‌د شیاع سودانى گرنگییه‌كا تایبه‌ت ب دۆسیه‌یا ئاڤێ دگه‌ل ئیراقێ د ده‌ت و ب ئێك ژ كارێن ل پێش یێن حكومه‌تێ دزانیت.
