میدیایا ئیراقى: بۆ جارا ئێكێ سه‌رۆك بارزانى دێ پشكدارى كۆمبوونا چارچۆڤێ هه‌ماهه‌نگیێ بیت
بەلاڤ بکە
گاڤ
میدیایا ئیراقى ب گرنگ به‌حس ل سه‌ره‌دانا سه‌رۆك مه‌سعوود بارزانى دكه‌ت و دیاركریه، بۆ جارا ئێكێ سه‌رۆك بارزانى دێ پشكدارى كۆمبوونا چارچۆڤێ هه‌ماهه‌نگیێ بیت.
رۆژنامه‌یا مه‌دا یا ئیراقى دیاركریه، مه‌سعوود بارزانى پشتى شه‌ش سالێن ڤه‌قه‌تیانێ ژ به‌غدایێ ئه‌ڤرۆ چارشه‌مبێ دێ سه‌را به‌غدایێ ده‌ت و دی پشكداریێ د كۆمبوونێن تایبه‌ت یێن چارچۆڤێ هه‌ماهه‌نگیێ دا كه‌ت.
ل گۆڕه‌ی راپۆرتا رۆژنامه‌ڤانى یا مه‌دا بارزانى دێ ل گه‌ل به‌رپرسێن بلند یێن ئیراقى به‌حس ل ده‌ستوه‌ردانێن توركیا ل ئیراقێ و كیشه‌یا سه‌رۆكێ په‌ڕله‌مانى و په‌یوه‌ندیێن هه‌ولێر و به‌غدایێ كه‌ت و هه‌روه‌سا ده‌رباره‌یى بڕیارێن دادگه‌ها فیدرال یێن پیشتر ده‌رباره‌یى هه‌رێمێ ژى مژاره‌كا دى یا سه‌ره‌دانا سه‌رۆك بارزانى یه.
رۆژنامه‌یا مه‌دا ئاشكراكریه، د كۆمبوونان دا دێ به‌حس ل كێشه‌یێن كه‌ركووك، رێككه‌فتنا شنگال و كێشه‌یێن ئاواره‌یان ژى هێته‌كرن.
ژ ئاییه‌كێ دى ڤه رۆژنامه‌یا سه‌باح یا نیمچه فه‌رمى یا حكومه‌تا ئیراقێ دبێژیت: په‌یوه‌ندییێن نوكه یێن هه‌رێما كوردستانێ و حكومه‌تا ئیراقێ ئاماژه‌یێن ئه‌رێنى نه و ژێده‌رێن كوردى ئاماژێ ب وێ یه‌كێ دكه‌ن، بارزانى بۆ چاره‌یێن دوبماهیێ و ئێكلاكه‌ر یێن كێشه‌یێن د ناڤبه‌را هه‌ولێر و به‌غدایێ دا دێ چه‌ندین كۆمبوون و دیداران ل گه‌ل سه‌ركرده‌یێن سیاسى كه‌ت.
باره‌گه‌هێ بارزانى ئه‌ڤرۆ چارشه‌مبێ راگه‌هاند، سه‌رۆك مه‌سعوود بارزانى دێ سه‌را به‌غدایێ ده‌ت و دێ هه‌ژماره‌كا كۆمبوونان كه‌ت و كۆمبوون ل گه‌ل ئالیێن فه‌رمى و سیاسى یێن ئیراقێ نه و دێ دیدار ل گه‌ل سه‌ركرده‌یێن سیاسى یێن ئیراقێ ل به‌غدایێ هه‌بن.
