ژ کۆما 15 گەرمترین ناڤچەیێن جیهانێ 6 ژ وان ل ئیراقێ نە
06/27/2024 - 18:00
گاڤ
ل گۆرەی ئامارەکا وەستگەها بلاسێرڤێل یا کەشناسیییا ئەمریکی ژ کۆما پازدە ناڤچەیێن گەرمێن جیهانێن یێن ئەڤرۆ شەش ژ وان ل ئیراقێ بوون.
وەستگەها بلاسێرڤێل یا کەشناسیی یا ئەمریکی ئەڤرۆ پازدە ناڤچەیێن گەرمێن جیهانێ بەلاڤکرن و ل گۆرەی ئامارا وان هەر ئێک ژ ( فرۆکەخانەیا ئەشرەف، عەمارە، بەسرا، کەربەلا و سەماوە ) ل ئیراقێ د ناڤا وان ناڤچەیان دا بوون.
ل دوڤ زانیارییێن وەستگەها بلاسێرڤل بەلاڤکرین، گەرمترین ناڤچەیا جیهانێ ئەڤرۆ ل جەزائیری بوو یا دوێی ژی ل عومانێ هاتییە تۆمارکرن.
ئەڤ ئامارا وەستگەها کەشناسییا ئەمریکی ل دەمەکی یە، دوو رۆژێن بۆری پلەیێن گەرمی ل ئیراقێ ب رێژەیەکێ هاتبوونە خار لێ ئەڤرۆ جارەکا دی بەر ب بلندبوونێ ڤە چوون.