بۆ چارهكرنا كێشهیا مووچهیێ هێزێن ئێمناهیێ ئهڤرۆ شاندهكێ ههرێمێ دێ سهرا بهغدایێ دهت
گاڤ
بڕیاره ئهڤرۆ شاندهكێ ههڤپشكێ وهزارهتێن ناڤخۆ و دارایی یێن ههرێمێ كو وهزیرێن ههر دو وهزارهتان دگهل دانه، سهرهدانا بهغدایێ بكهت بۆ رێككهفتتنێ لسهر هژمارهكا پرسان ژ وان ژى پرسا مووچهیێ هێزێن ئێمناهییا ههرێمێ.
تا نها مووچهیێ ههیڤا 5 یێ هێزێن پێشمهرگهى و ئێمناهییا ههرێما كوردستانێ ژ لایێ بهغدایێ ڤه نههاتییه هنارتن و ئهگهر نههاتینه دیاركرن.
ل گۆرهى زانیاریان شاندێ وهزارهتا ناڤخۆ دێ ب سهرۆكاتییا وهزیرێ ناڤخۆ، رێبهر ئهحمهد بیت، شاندێ وهزارهتا دارایی ژى دێ ب سهرۆكاتییا وهزیرێ دارایی ئاوات شێخ جهناب بیت و دێ دگهل تیمهكێ حكومهتا ئیراقێ كۆمبن بۆ رێككهفتنێ لسهر هژمارهكا پرسان ژ وان ژى پرسا مووچهیێ هێزێن ئێمناهییا هرهێما كوردستانێ یه.
شاندێ ههرێمێ لژنهیهكا پسپۆر دگهل دایه بۆ دانوستاندن و ئێكلاكرنا پرسا مووچهیێ هێزێن ئێمناهییا ههرێمێ دگهل تیمێ حكومهتا ئیراقێ كو پێك دهێن ژ محەممەد تەمیمی، جێگرێ سەرۆکوەزیران و وەزیرێ پلاندانانا ئیراقێ، بەنگین ڕێکانی و وەزیرێ ئاڤهدانكرن و ئاكنجیكرنێ و چهند بهرپرسێن دى.