گاڤ

وەزارەتا دەرڤە یا ئەمریکا راگەهاند: ئەنجامێن گەرا ئێکێ یا هەلبژارتنێن سەرۆکاتییا ئیرانێ د پاقژ و ئازد نەبوون و ئەنجامێن گەرا دوێ چ بن، رەوشا وی وەلاتی ناهێت گوهرین.

فیدانت باتیل، پەیڤدارێ وەزارەتا دەرڤە یا ئەمریکا راگەهاند؛ ل گۆر ئەنجامێن گەرا ئێکی یا هەلبژارتنێن سەرۆکاتییا ئیرانێ، دیار دبیت کو هەلبژارتن د پاقژ و ئازاد نین  و دوپات کر، ئەنجامین گەر دوێ هەر چاوا بن گوهرینێن ریشەیی ل وی وەلاتی پەیدا نابن تایبەت د وارێ مافین مرۆڤی و رێزگرتنا وەلاتییان دا.

دا زانین ژی: ئەو ب ژمارا پشکدارێکرنێ د هەلبژارتنێن وی وەلاتی دا ژی ب گۆمانن ئەوێن ژ لایی دەستهەلاتدارێن وی کۆمارا ئیسلامی ڤە هاتینە بەلاڤکرن کو ل گۆری داتایێن وان 40% یا وەلاتیێن ئیرانی پشکدار ببوون.

هەلبژارتنێن پێشوەختێن سەرۆکاتییا کۆماریا ئیرانێ ل 28ێ مەها بۆری هاتن کرن، پشتی کەتنا فرۆکا ئیبراهیم رەئیسی، سەرۆککومار کو تێدا ژیانا خۆ ژ دەست دابوو.