گاڤ - تایبەت
وه‌زیرا كار و كاروبارێن جڤاكى یا حكومه‌تا هه‌رێما كوردستانێ بۆ گاڤ راگه‌هاند، چاكسازیێن هه‌رێما كوردستانێ پڕ بووینه‌ ژ گرتییان و پترین گرتى ل سه‌رانسه‌رى هه‌رێما كوردستانێ د چاكسازییا زركا دانە ل دهۆكێ.
كوێستان محه‌مه‌د، وه‌زیرا كار و كاروبارێن جڤاكى یا حكومه‌تا هه‌رێما كوردستانێ بۆ گاڤ دبێژیت: چاكسازیێن هه‌رێمێ پڕ بووینه‌ ژ گرتییان و پترین گرتى د چاكسازییا زركا دانه‌ كو هه‌ژمارا وان 2 هزار و 500 كه‌سن، د دەمەکى دا چاكسازى بتنێ بۆ 900 كه‌سان هاتییه‌ چێكرن.
هه‌روه‌سا ئاشكراكر، چاكسازیێن هه‌ولێر و سلێمانییێ ژى وه‌سا چێكرینه‌ كو هه‌ر ئێكێ 900 كه‌س تێدابن، لێ یا هه‌ولێرێ هزار و 800 و یا سلێمانییێ ژى هزار و 600 گرتى تێدانه‌.
وه‌زیرا كار دا زانین ژى، بازرگانیكرن ب مادده‌یێن هشبه‌ر و خراب بكارئینانا ئامیرێن په‌یوه‌ندیكرن و سۆشیال میدیایێ ئه‌گه‌رێ سه‌ره‌كى یێ زێده‌بوونا گرتیانە.‌