هەلبژارتنێن سەرۆکاتییا ئیرانێ ل هەرێما کوردستانێ دهێنە کرن
06/28/2024 - 12:48
گاڤ
ل هەرێما کوردستانێ ل چەندین باژێڕان سندۆقێن دەنگدانێ بۆ هەلبژارتنێن ئیرانێ هاتینە دانان و ل پارێزگەها دهۆکێ دو بنگەهـ هەنە.
ئەڤرۆ هەڤدەمی بەردەوامییا هەلبژارتنێن سەرۆکاتییا کۆمارا ئیسلامی یا ئیرانێ، ل هەرێما کوردستانێ ژی ژمارەکا بنگەهێن دەنگدانێ هاتینە دانان. ل پارێزگەها دهۆکێ، ل کۆمەلگەها تەناهییێ بنگەهەک ل ئاڤاهییێ باژێڕڤانییا تەناهییێ هاتییە دانان و ل قەزا ئاکرێ ژی ل ئاڤاهییێ رێڤەبەرییا ئاڤەدانکرنێ ل سەنتەرێ ئاکرێ بنگەهەک هاتییە دانان.
ل پارێزگەهێن دی ژی یێن هەرێما کوردستانێ بنگەهێن دەنگدانێ بۆ ئیرانییان هەنە و ل ئیراقێ ژ هەموو پارێزگەهان پتر ئیرانی ل کەربەلایێ هەنە کو ژمارەیا دەنگدەرێن ئیرانی ل کەربەلا پتری 12 هزار دەنگدەرانە.