گاڤ 
ل ئەمریکا پشتی دیبەیتا جۆ بایدنی و دۆنالد ترامپی باوەرییەکا وەسا د ناڤ دیمۆکراتان دا پەیدابوویە کو بایدن نەشێت ل سەر ترامپی سەربکەڤیت و بەحسا خۆڤەکێشانا بایدنی ژ هەڤڕکییا سەرۆکاتییێ دهێتە کرن.
ئاژانسا رۆیتەرز د دویڤچوونەکێ دا ئاشکرا کرییە: تاکە رێکا یاسایی یا دیارکرنا بەربژارەکێ دی یێ دیمۆکرات بۆ هەڤڕکییا دۆنالد ترامپێ کۆماری د هەلبژارتنێن سەرۆکاتییا ئەمریکا دا ئەوە کو هەر ئێک ژ سەرکردەیێن دیمۆکراتان باراک ئۆباما، سەرۆکێ پێشتر یێ ئەمریکا، بێل کلینتون، سەرۆکێ پێشتر یێ ئەمریکا، هێلاری کیلنتون، وەزیرا پێشتر یا وەزارەتا دەرڤە یا ئەمریکا و هەڤڕکا ترامپی د هەلبژارتنێن سەرۆکاتییێ دا، و نانسی پێلۆسی، سەرۆکا جڤاتا نوینەرێن ئەمریکا، جۆ بایدنی رازی بکەن خۆ ژ هەڤڕکییا سەرۆکاتییێ ڤەبکێشیت و بەربژارەکێ دی یێ دیمۆکرات ل جهێ وی بهێتە دانان.
رۆیتەرزێ ناڤێن چەندین بەربژارێن دی یێن گەنج ل جهێ بایدنی پێشنیاز کرینە کو دیارترینێن وان کامالا هاریس، جێگرا سەرۆکێ ئەمریکا و گاڤن نیۆسەم، حاکمێ ویلایەتا کالیفۆرنیا نە.
ل بەرێ سپێدەهییا رۆژا ئەینییا بۆری ب دەمێ کوردستانێ، دیبەیتەک د ناڤبەرا جۆ بایدنی و دۆنالد ترامپی دا هەبوو، د وێ دیبەیتێ دا، بالادەستییا ترامپی ل سەر بایدنی یا دیاربوو و ل گۆرەی راپرسییێن پشتی دیبەیتێ، دەلیڤەیا سەرکەفتنا بایدنی ل سەر ترامپی د هەلبژارتنێن سەرۆکاتییێ دا، نێزیکی ٪30ێ یە.