حكومه‌تا هه‌رێمێ دێ قه‌رێن پشته‌ڤانيێ ده‌ته جۆتیاران
08/31/2022 - 23:49
بەلاڤ بکە
گاڤ نيوز
وه‌زاره‌تا چاندنێ يا هه‌رێما كوردستانێ راگه‌هاند كو ب هه‌ماهه‌نگى ل گه‌ل به‌نكا ئه‌لقورتاسى يا ئيسلامى دێ قه‌رێن پشته‌ڤانيێ ب جۆتياران هێنه دان.
د به‌يانه‌كا وه‌زاره‌تێ دا هاتيه؛ بێگه‌رد تاله‌بانى وه‌زيرا چاندنێ و ژێده‌رێن ئاڤێ ل گه‌ل ساره سه‌يد محه‌مه‌د رێڤه‌به‌ريا به‌نكا ئه‌لقورتاسى يا ئيسلامى كۆمبوو و تێدا به‌حسێ پشته‌ڤانيا پرۆژه‌يێن بچويك و ناڤنجى يێن جۆتياران هاته كرن.
تێدا هاتيه ژى؛ هه‌ردو لايان دانوستاندن ل سه‌ر گه‌هشتنێ ب لێكتێگه‌هشتنه‌كێ ژ بۆ پێدانا قه‌رزێن چاندنێ ب وان جۆتيارێن هزرێن پرۆژه‌يێن بچويك و ناڤنجى د سێكته‌رێ چاندنێ و پيشه‌سازيا چاندنێ دا هه‌ين، كرن.
ديار ژى كريه؛ بڕيار هاته دان ل ده‌مه‌كێ نزيك به‌رهه‌ڤى بۆ بجهئينانا ياداشتنامه‌يا لێكتێگه‌هشتنێ دناڤبه‌را وه‌زاره‌تێ و به‌نكێ دا بهێته كرن.
