ژينا ئهمينى گيانێ خۆ ژدهستدا
گاڤ نيوز
كچهكا خهلكێ رۆژههلاتێ كوردستانێ پشتى ژ لايێ دهستههلاتا ئيرانێ ڤه ژ بهر لبهرنهكرنا حيجابێ هاتيه دهستهسهركرن، ل ئێڤاريا ئهڤرۆ ئهينيێ ل نهخۆشخانهيێ گيانێ خۆ ژدهستدا.
ژينا ئهمينى يا ناڤدار ب مههسا ئهمينى ژيێ وێ 22 سال بوون و ژ باژێڕێ سهقز ل رۆژههلاتێ كوردستانێ يه و د دهمێ گهشتهكێ دا بۆ تههرانێ ل چارشهمبيێ ژ لايێ پۆليسێن ئيرانێ ڤه ب توومهتا لبهرنهكرنا حيجابێ هاتبوو دهستهسهركرن و ئهڤرۆ ل نهخۆشخانهيا كهسرا ل تههرانێ گيانێ خۆ ژدهستدا.
ژمارهيهكا مهزن يا رێكخراوان راگههاندينه كو ژينا رويبروى ئهشكهنجهدانێ بوويه ژ لايێ هێزێن ئيرانى ڤه و داخوازا لێكۆلينێ ل دۆر ئهگهرێن مرنا وێ دكهن.
ژمارهيهكا كهسێن ل گهل ژينايێ هاتبوونه دهستهسهركرن بۆ ميديايان دياركرينه كو ل دهمێ ڤهگوهاستنا وێ بۆ گرتيخانهيێ، ژينا تووشى لێدانێ بوويه ژ لايێ پۆليسان ڤه و ل وێرێ رهوشا وێ تێكچوويه.