رێڤه‌به‌ریا كاره‌با زاخۆ بوو رێڤه‌به‌ریا گشتى
10/23/2022 - 12:38
بەلاڤ بکە
گاڤ نیوز
وه‌زیرێ كاره‌با حكومه‌تا هه‌رێما كوردستانێ راگه‌هاند، رێڤه‌به‌ریا كاره‌با زاخۆ بوو رێڤه‌به‌ریا گشتى و دیاركر، بڕیار ل مه‌ها بۆرى هاتیه ده‌رخستن.
پشتى ئیداره‌یا سه‌ربه‌خۆ یا زاخۆ هاتیه راگه‌هاندن، حكومه‌تا هه‌رێمێ بڕیار دایه هه‌ژماره‌كا رێڤه‌به‌ریێن وێ یێن خزمه‌تكارى بۆ رێڤه‌به‌ریێن گشتى ب گوهۆڕیت.
ئه‌ڤرۆ وه‌زیرێ كاره‌با حكومه‌تا هه‌رێما كوردستانێ، كه‌مال محه‌مه‌د د كۆنگره‌یه‌كێ رۆژنامه‌ڤانى دا راگه‌هاند، ل 21ى 8 یا ئه‌ڤ ساله سه‌رۆكێ حكومه‌تا هه‌رێمێ سه‌ره‌دانا وه‌زاره‌تا كاره‌بێ كریه و ئێك ژ داخوازیێن وه‌زاره‌تێ ئه‌و بوویه رێڤه‌به‌ریا كاره‌بێ ل زاخۆ ببیته رێڤه‌به‌ریا گشتى.
وه‌زیرێ كاره‌بێ ئاشكرا كر ژى ب فه‌رمى ل 11ى مه‌ها بۆرى بڕیارا فه‌رمى ده‌ركه‌فتیه و ئه‌ڤرۆ ژى ب فه‌رمى هاته راگه‌هاندن.
